За скоро 30% намален бројот на одобренија за градење во февруари
Во февруари 2025 година се издадени 272 одобренија за градење, што е за 29.7 % помалку во однос на истиот месец од претходната година, покажуваат податоците на Државниот завод за статистика.
Според издадените одобренија за градење, предвидената вредност на објектите изнесува 4 901 041 илјада денари, што е за 44.4% помалку во однос на истиот месец од претходната година.
Од вкупниот број издадени одобренија за градење, 137 (50.4%) се наменети за објекти од високоградба, 73 (26.8%) за објекти од нискоградба и 62 (22.8%) за објекти за реконструкција.
Од вкупно 272 објекти, на 122 (44.9%) како инвеститори се јавуваат физички лица, а на 150 (55.1%) објекти инвеститори се деловни субјекти.
Во извештајниот период е предвидена изградба на 635 станови, со вкупна корисна површина од 51 075 м2.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
