Курти: Подготвуваме апликација за членство на Косово во НАТО и ЕУ

По поднесувањето на апликацијата за членство на Косово во Советот на Европа, во тек се подготовките за аплицирање за членство во НАТО и ЕУ, изјави косовскиот премиер, Албин Курти.

Курти додаде дека членството во Советот на Европа ќе биде можност Косово да напредува на полето на правдата.

Тоа Курти го изјави на состанокот на Генералниот совет на движењето Самоопределување, чиј претседател е.

„Во тек се подготовките за аплицирање за членство во Партнерството за мир во рамките на НАТО, а ќе поднесеме и барање за влез во ЕУ“, рече тој.

Курти изјавил и дека Косово постигнало напредок на повеќе полиња, меѓу кои економскиот раст, борбата против корупцијата и криминалот, како и зајакнувањето на судството.