Рама: Жал ми е за ЕУ, ниту војната не ги обедини Европјаните
Албанскиот премиер Еди Рама по Самитот за Западен Балкан изјави дека му е жал за Европската Унија и дека се надева оти ќе можат да ѝ помогнат.
„Се обидов да им кажам некои работи на состанокот и тоа ќе го споделам со вас. Добро и лошо е што сме овде, се чувствуваме добро затоа што сме Европејци и да се биде таму е нашата суштина, но јас се чувствувам лошо затоа што никој не не слуша така, туку како гости“, вели Рама.
Рама кажа дека е загрижен затоа што пандемијата не им помогнала на Европјаните да се обединат.
„Се наоѓаме во поделена куќа и загрижувачки е што и за време на пандемијата, која беше глобална, доведе до лоши последици. Дури ни пандемијата или војната не успеа да ги обедине Европејците. Од една страна, мислам дека направивме многу за да ја поддржиме идејата на Макрон, за да ја исполниме политичката цел. Се надеваме дека ќе станеме членки во одреден момент. Би ценеле доколку оваа нова политичка заедница на Европа ни овозможи сите да бидеме заедно во една куќа, како едно семејство“, рече Рама.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
