Од денеска нови правила за влез во угостителските објекти во Грција

Грчките власти најавија стапување во сила на новите безбедносни правила за угостителите од 16 јули до 31 август и предупредија дека инспекциите ќе бидат чести и строги.

Казните ќе се движат до 10.000 евра и ќе значат затворање на барот до 60 дена, пишува новинската агенција АНА.

Затворените угостителски објекти имаат дозвола да примаат гости под услов да седат и да имаат доказ дека биле вакцинирани или дека нивниот тест (PCR) е негативен.

Децата можат да влезат во угостителски објекти доколку ПЦР тетот е негативен.

Работодавците и во приватниот и во јавниот сектор ќе имаат право да ги прашаат вработените дали биле вакцинирани и ќе има поставено знаци кои покажуваат дали вработените во компанијата биле делумно или целосно вакцинирани.