САД побараа од Косово да ја одложи одлуката за замена на регистарските таблички

Советникот во американскиот Стејт департмент Дерек Шоле напиша дека разговарал со косовскиот премиер Албин Курти од кого побарал да ја одложи одлуката за замена на српските со косовски регистарски таблички во обид да се спречи понатамошна ескалација на состојбата на северот од земјата.

САД и ЕУ и претходно побараа од Косово да го одложи ова прашање за уште десет месеци. Од друга страна, официјален Белград бара договор за ова прашање, односно враќање на статусно неутралните таблички КС во употреба.

Регистарските таблички издадени од српските власти Приштина ги смета за нелегални, но досега се толерираа на северот на Косово. Во Косово од 1 ноември официјално стапи во сила одлуката на владата на премиерот Албин Курти, според која регистарските таблички на возилата на косовските граѓани регистрирани во Србија треба да се заменат со оние што се пропишани со законите на Република Косово.

Spoke with Kosovo PM @albinkurti on avoiding further escalation: postpone license plate penalties, keep the door open to Kosovan Serbs’ return to institutions, and focus on normalization Dialogue with Serbia = best path to advance Kosovo’s European & Euro-Atlantic integration.

— Derek Chollet (@CounselorDOS) November 19, 2022