Се запали багер во центарот на Загреб

Несреќа се случила во центарот на Загреб кога се запалил багер кој бил користен за поправка на пукната цевка. Се претпоставува дека багерот удрил во цевката за гас и го запалил плинот, пренесува Индекс.хр.

– На интервенција дојдоа пет противпожарни возила и 16 пожарникари кои ја разладија машината и ги изгаснаа пламените јазици високи над десет метри. Изгореле и трамвајските жици кои паднале на подот, а со тоа настанала голема искра – наведуваат од Загребската јавна противпожарна бригада и додаваат дека возачот на багерот е повреден и итно пренесен во болница.

Жителите на околните згради велат дека се чувствува мирис на гас и дека пламените јазици на моменти стигнувале до покривите. Тие рекоа и дека биле забележани неколку блесоци, а потоа и звук на силна петарда, пренесува Индекс.хр.