Вработените во „Џонсон Мети“ одат дома

Вработените во гигантот од слободните економски зони „Џонсон Мети“ се известени од утре да не доаѓаат на работа. Преку електронска пошта биле известени дека произведувачот на катализатори нема да работи 30 дена, јавува „Фактор“.

Во моментов странскиот инвеститор вработува 1.000 вработени, а познат е по тоа што во Македонија остварува убедливо најголема добивка - 97,77 милиони евра во 2018.

„Џонсон Мети“ е најголема компанија во земјава, и меѓу домашните и меѓу странските фирми, со обрт од милијарди евра. Во исто време, „Џонсон Мети“ е и најголем извозник од Македонија со околу една четвртина во вкупната структура на експортот.

Автомобилската индустрија во Европа привремено не работи, а во Македонија официјално „Кромберг и Шуберт“ и „Дракслмаер“ објавија дека нема да испорачуваат делови овој период.