Ангеловска: Компаниите корисници на финансиска помош ќе може да го намалат бројот на вработени

Микро и малите фирми кои користат владини мерки за финансиска помош ќе можат да го намалат бројот на вработени до 15%, средните до 10% и големите до 5%, рече министерката за финансии, Нина Ангеловска, на денешната прес конференција на која беа презентирани новите владини мерки.

Првично беше укажано дека ако користи владина помош, работодавачот треба да го задржи истиот број на вработени два месеца по користење на мерката, односно до месец јули.